Manchester Siti – Bayer: jonli efir (26.11.2025)

Etihaddagi tungi yirik uchrashuv 25 dan 26 noyabrga o‘tar kechasi, soat 01:00 da (Toshkent vaqti bilan) start oladi. «Manchester Siti» o‘z uyida Leverkuzenning «Bayer» jamoasini qabul qiladi. Bu duel umumiy bosqichning 5-turidan o‘rin oladi.

Uchrashuv oldidan «shaharliklar» 4-o‘rinni egallab turibdi: 4 o‘yindan 3 ta g‘alaba, 10 ochko va +7 gollar farqi. Gvardiola jamoasi o‘z o‘yinini topgan — 10 ta gol urilgan, so‘nggi bosqichga chiqish istiqbollari esa juda ijobiy.

Mehmonlar esa eng barqaror davrida emas. «Bayer» atigi 5 ochko bilan 21-pog‘onani band qilgan, 10 ta gol o‘tkazib yuborgan va hozircha pley-off zonasidan tashqarida qolmoqda. Shuning uchun ham bu juftlikdagi yaqqol favorit — «Manchester Siti».

Qayerda tomosha qilish mumkin?

Uchrashuv O‘zbekistonda Zoʻr TV telekanali orqali jonli efirda namoyish etiladi. Kanal Saran Media sublicenziyasi asosida UEFA musobaqalarining eksklyuziv translyatsiya huquqiga ega. Shuningdek, efirni rasmiy ilova va veb-platforma orqali onlayn ham tomosha qilish mumkin.