Shtutgart – Bavariya: Bundesliga prognozi (06.12.2025)

6 dekabr, shanba kuni soat 19:30 da O‘zbekiston vaqtida Shtutgartdagi «MHP Arena» stadionida 13-tur doirasida mezbon «Shtutgart» Myunxenning «Bavariya» jamoasini qabul qiladi. Mezbonlar 22 ochko bilan jadvalning 6-pog‘onasida, mehmonlar esa 34 ochko bilan Germaniya chempionatida ishonchli peshqadam. Eng yaqin ta’qibchi «RB Leyptsig» 8 ochkoga ortda qolmoqda.

Raqiblar o‘rtasidagi sinf farqini hisobga olsak, bukmekerlar Shtutgart – Bavariya uchrashuvida mehmonlarga katta ustunlik berishmoqda. «Shvablar» g‘alabasi 5.85, durang 5.35, «qizillar» g‘alabasi esa 1.44 bilan baholanmoqda. Kelayotgan uchrashuvda gollarga boy o‘yin kutilmoqda: 2.5 dan yuqori bo‘lishiga 1.32, har ikki jamoa gol urishiga esa 1.48 taklif etilmoqda.

Shtutgart

Sebastyan Xeness jamoasi uchun noyabr oson o‘tmadi. «Shvablar» Bundesligada o‘tgan to‘rt o‘yindan faqat bittasida g‘alaba qozondi: «RB Leyptsig»ga 1:3, «Augsburg» ustidan 3:2, «Borussiya Dortmund» bilan 3:3 va «Gamburg»ga 1:2. UEFA Yevropa Ligasi doirasida «Go Ahead Eagles» ustidan 4:0 hisobida yirik g‘alaba qo‘lga kiritildi, biroq jamoa hali kuchli sakkizlikka kira olgani yo‘q.

Shunga qaramay, Shtutgart o‘z maydonida ishonchli ko‘rinmoqda: 5 o‘yinda 5 g‘alaba, to‘plar nisbati 9:3. Lekin bu raqamlarni ortiqcha baholash ham to‘g‘ri emas — raqiblarning darajasi unchalik yuqori bo‘lmagan.

Bavariya

Vensan Kompani boshqaruvidagi jamoa noyabrda ikki bor omadsizlikka uchradi: avval safarda «Union Berlin» bilan 2:2 durang, so‘ng Chempionlar Ligasi doirasida «Arsenal»ga 1:3 mag‘lub bo‘lishdi. Biroq Bundesligada bu faqat ilk yo‘qotilgan ochkolardir, LCHda esa «qizillar» hali ham kuchli uchlikda. Shuning uchun bu natijalar jamoa atrofida jiddiy xavotir uyg‘otgani yo‘q.
Barcha e’tibor Garri Keynga qaratilgan bo‘lsa-da, g‘alabani Luis Dias, Serj Gnabri yoki Mikel Olise ham ta’minlashi mumkin. «Bavariya»ning hujum salohiyati statistikada yaqqol ko‘rinadi — 12 turda 44 ta gol urilgan, atigi 9 ta gol o‘tkazilgan.

Statistika va o‘zaro uchrashuvlar

2022 yildan beri jamoalar 8 bor o‘ynagan bo‘lib, 5 marta «Bavariya», 1 marta «Shtutgart» g‘alaba qozongan. O‘tgan mavsumda myunxenliklar uyda 4:0, safarda 3:1 hisobida g‘alaba qozonishgan. Avgust o‘rtalarida bo‘lib o‘tgan Germaniya Superkubogida ham «Bavariya» 2:1 hisobida ustun kelgan.

Prognoz

Shtutgart uy maydonida qarshilik ko‘rsatishga harakat qiladi, ammo mehmonlarning hujum chizig‘i juda kuchli. Prognozni «Bavariya» foydasiga beramiz.

Optimal stavka: Bavariya burchak zarbalari bo‘yicha g‘alabasi (1.56).