Borussia Dortmund – Bayer: jonli efir (02.12.2025)

3 dekabr 2025 yili soat 01:00 da Toshkent vaqti bilan Dortmunddagi «Signal Iduna Park» stadionida Germaniya Kubogining 1/8 final uchrashuvi start oladi. «Borussia Dortmund» ushbu bosqichda «Bayer»ni qabul qiladi. Bu juftlik hozirgacha 107 bor o‘zaro to‘qnash kelgan va statistika biroz mezbonlar foydasiga og‘gan. Biroq kubok formati ko‘p bor favorit yorliqlarini bekor qilgani ma’lum, ustiga ustak leverkuzenliklar Dortmundga maksimal tarkib bilan kelishi turgan gap. Demak, zerikish ehtimoli mutlaqo yo‘q.

Qayerda tomosha qilish mumkin?

Chempionat.asia ushbu qarama-qarshilikni e’tiborsiz qoldirmaydi. Portal uchrashuv yakunidan so‘ng matnli reportaj, yangiliklar dayjesti va albatta, xaylaytlarni taqdim etadi. Biroq to‘g‘ridan-to‘g‘ri efir borasida vaziyat noaniq. Hozircha O‘zbekistonning rasmiy translyatorlari yoki huquq egalari tomonidan biror e’lon berilgani yo‘q. Albatta, Setanta yoki MTRK translyatsiya tashkil qilishi mumkin degan umid bor, ammo kafolat yo‘qligi sababli o‘yinni ko‘rish uchun oldindan muqobil variantlarni rejalashtirib qo‘yish eng maqul yo‘l bo‘lib turibdi.