Roma – Napoli: Seriya A prognozi (01.12.2025)

1 dekabrga o‘tar kechasi soat 00:45 da, O‘zbekiston vaqti bilan, Rimdagi “Olimpiko” stadionida “Roma” mahalliy jamoasi 2025–2026-yilgi A Seriyaning 13-turida “Napoli”ni qabul qiladi. Mezbonlar 27 ochko jamlab, Italiya chempionatida peshqadamlik qilmoqda. Mehmonlar hisobida esa 25 ochko bor va ular turnir jadvalida uchinchi pog‘onani egallab turibdi. Shunday yuqori o‘rinlar uchun kurashayotgan ikki jamoaning to‘qnashuvi ushbu turdagi markaziy uchrashuv sifatida baholanmoqda.

Roma – Napoli uchrashuvi bo‘yicha bukmekerlar prognozi mezbonlar foydasiga og‘moqda. “Bo‘rilar” g‘alabasi uchun 2.65, durangga 2.85, “partenopеylar”ning muvaffaqiyati esa 3.27 bilan baholangan. Mutaxassislar golga uncha boy bo‘lmagan o‘yin kutishmoqda: 2.5 dan yuqori variantiga 2.41 berilgan. Har ikkala jamoa gol urishi ehtimoli esa 1.98 bilan baholanmoqda.

Roma

Jan Pyerо Gasperini jamoasi uch o‘yinlik g‘alabalar seriyasida. Avvaliga Yevropa Ligasida “Reynjers” 2:0 hisobida mag‘lub etildi, keyin A Seriyada “Udineze” (2:0) va “Kremoneze” (3:1) ustidan g‘alaba qozonildi. Shunga qaramay, “jallorossi” yuqori samaradorlik bilan ajralib turmaydi — 12 turda atigi 15 ta gol. Turnirning birinchi o‘ntaligidan faqat bitta jamoaning ko‘rsatkichlari bundan past. Biroq “Roma” himoyada juda ishonchli: bor-yo‘g‘i 6 ta gol o‘tkazilgan — ligadagi eng yaxshi natija.

Gasperinidan navbatdagi o‘yinda ham uch markaziy himoyachi bilan taktik sxemani kutish mumkin. Aynan himoya chizig‘ining ishi amaldagi chempion bilan bahsda hal qiluvchi rol o‘ynashi ehtimol. Eslatib o‘tamiz, birinchi davrada “Roma” kuchli jamoalar qatoridan “Milan” va “Inter” bilan to‘qnashib, ikkala uchrashuvda ham mag‘lub bo‘lgan.

Napoli

Antonio Konte shogirdlarining Chempionlar Ligasidagi ishlari hozircha unchalik muvaffaqiyatli emas — 5 turdan keyin atigi 7 ochko. Biroq bu hafta “Qarabağ” ustidan 2:0 hisobidagi g‘alaba kayfiyatni biroz ko‘tardi.

A Seriyada ham barqarorlik yetishmayapti: 8 ta g‘alaba bilan birga 3 ta mag‘lubiyat ham bor. “Napoli”ning gol nisbati 19:11 — peshqadamlar guruhida eng yaxshi ko‘rsatkich emas. Safardagi o‘yinlarda jamoa 6 uchrashuvning 3 tasida g‘alaba qozongan, qolgan uchalasida esa mag‘lub bo‘lgan.

Statistika va o‘zaro o‘yinlar

2022-yildan buyon jamoalar 7 marta to‘qnash kelgan. “Napoli” 3:1 hisobidagi ustunlikka ega, yana uch uchrashuv durang bilan tugagan. O‘tgan mavsumda neapolliklar uyda 1:0 hisobida g‘alaba qozonishgan, Rimdagi uchrashuv esa 1:1 hisobida yakunlangan.

Prognoz

Gasperini boshqaruvidagi “Roma” himoyada ishonchli ko‘rinmoqda, biroq muxlislar hujumda ko‘proq keskinlik kutmoqda. Ikkala jamoa ham hafta davomida Yevrokuboklarda maydonga tushdi, ammo “Napoli” ikki kun ko‘proq dam oldi — bu muhim omil bo‘lishi mumkin. Shuning uchun “Napoli” mag‘lub bo‘lmaydi degan variantga 1.52 bilan o‘ynashni tavsiya qilamiz.