Bayer – Borussia Dortmund: jonli efir (29.11.2025)

29 noyabr 2025 yil, Toshkent vaqti bilan 22:30 da Leverkuzendagi Bay-Arena stadionida Bundesliganing 12-tur markaziy uchrashuvlaridan biri bo‘lib o‘tadi. Unda mahalliy “Bayer” kuchli raqib — medal uchun kurashayotgan “Borussiya Dortmund”ni qabul qiladi. Ikki jamoa turnir jadvalida yonma-yon joylashgani bois, bu o‘yin ular uchun haqiqiy sinov nuqtasiga aylanadi.

Hozirda leverkuzenliklar 11 uchrashuvdan so‘ng 23 ochko bilan 3-o‘rinda bormoqda. Jamoa 7 ta g‘alaba, 2 ta durang va 2 ta mag‘lubiyat qayd etgan, to‘plar farqi esa 27:15. “Aptekachilar” bu mavsum ancha uyg‘un o‘yin namoyish etmoqda — kuchli pressing, moslashuvchan hujum va intizomli mudofaa ularning asosiy ustunlaridan.

Dortmundlik mehmonlar esa atigi bir ochkoga ortda qolgan holda 4-pog‘onani egallab turibdi. Nikо Kovach shogirdlari 6 ta g‘alaba, 4 ta durang va 1 ta mag‘lubiyatga ega. Ular 19 ta gol urib, atigi 10 ta gol o‘tkazib yuborgan — bu “Borussiya”ning yanada ishonchli mudofaasini, biroq biroz kamroq yorqin hujumini ko‘rsatadi.

Qayerda tomosha qilish mumkin?

Reyn viloyati va Vestfaliya jamoalari o‘rtasidagi ushbu qarama-qarshilikni O‘zbekistonda Setanta Sports jonli efirda namoyish etadi. O‘zbek tilidagi sharhlar bilan beriladigan translyatsiyada taniqli sport jurnalistlari — Xamidov, Muhammadkarimo, Fayziyev va boshqalar mikrofon ortida bo‘ladi. Shuningdek, uchrashuvni Setanta’ning rasmiy saytida yoki mobil ilovasida onlayn tarzda tomosha qilish mumkin. “Yandex Plus Multi” obunachilari esa Kinopoisk platformasi orqali ham efirga ulanisha oladi.