Chelsi – Barselona: jonli efir (26.11.2025)

Stemford Bridjda 25-dan 26-noyabrga o‘tar kechasi, Toshkent vaqti bilan 01:00 da UEFA Chempionlar Ligasi umumiy bosqichining 5-turidan o‘rin olgan bahs bo‘lib o‘tadi. Unda «Chelsi» o‘z maydonida «Barselona»ni qabul qiladi.

Uchrashuv arafasida londonliklar 7 ochko bilan 12-o‘rinda bormoqda: 2 ta g‘alaba, duranglar va +3 to‘plar farqi — bu jamoaning mavsumdagi barqarorlikka qaytishga urinayotganidan darak. So‘nggi yillarda kuchayish va pasayishlar ko‘p kuzatilgan bo‘lsa-da, hozircha «Chelsi» o‘z o‘yin sifatini tiklab borayotgani sezilmoqda. «Barselona»ning holati esa deyarli shunga o‘xshash: kataloniyaliklar ham 7 ochko to‘plagan, o‘xshash natijalar qayd etgan va biroz yaxshiroq hujum ko‘rsatkichlari sababli 11-o‘rinni band etgan. Jamoalar yonma-yon ketayotgani bois bu o‘yin ular uchun haqiqiy burilish bo‘lishi mumkin — kimdir pley-off sari jiddiy qadam tashlaydi, kimdir esa ortga chekinishga majbur bo‘ladi.

Qayerda tomosha qilish mumkin?

«Chelsi» – «Barselona» uchrashuvi O‘zbekistonda Zoʻr TV orqali jonli namoyish etiladi. Kanal Saran Media sublicenziyasi asosida UEFA klublar musobaqalarining eksklyuziv huquqlariga ega. Tomoshabinlar o‘yinni nafaqat telekanalda, balki Zoʻr TV’ning rasmiy ilovasi va veb-sayti orqali ham kuzatishlari mumkin.